National Historical Commission of the Philippines - Courtesy call
Jan 20, 2026 11:00 AM 75
NHCP NAGSAGAWA NG COURTESY CALL SA PUNONG BAYAN
Humarap sa ating Punong Bayan, Lord Arnel L. Ruanto, ang mga kinatawan ng National Historical Commission of the Philippines (NHCP) upang iulat ang mga isinagawang documentation at assessment sa bayan.
Katuwang ang ating Municipal Tourism Officer, Ms. Sierra Cecilia A. Peñamante, nagcourtesy call sa Punong Bayan sina Bb. Juvelyn D. Nierves at G. Aljon I. Concillado (History Researcher II), Arch. Genissa O. Villegas (Architect II at OIC-HSSDC), kasama si G. John D. Valdeavilla, Vice Chairman External ng Quezon Province Heritage, History, Culture & Arts Council.
Layunin ng isinagawang site assessment na suriin at tingnan ang mga lokasyong hiniling ng lokal na pamahalaan para sa paglalagay ng mga historical marker mula sa NHCP—isang mahalagang hakbang sa pangangalaga at pagpapahalaga sa ating lokal na kasaysayan.
Lubos namang pinasalamatan at nagpahayag ng suporta ang ating Punong Bayan sa ganitong gawain, sapagkat mahalaga ito sa pagpapayabong at pagpapahalaga sa kasaysayan ng bayan ng Infanta.
