Miyunod elementary school educational assistance
Jan 20, 2026 05:00 PM 69
Educational Assistance para sa mga mag-aaral ng Miyunod Elementary School, ipinamahagi
Limampu’t isang (51) mag-aaral ng Miyunod Elementary School ang masayang nakatanggap ng Educational Assistance mula sa Lokal na Pamahalaan ng Infanta sa pamumuno ng ating Punong Bayan, Mayor Lord Arnel L. Ruanto.
Ang Miyunod Elementary School at ang mga mag-aaral nito ay kabilang sa mga itinuturing na geographically isolated and disadvantaged area (GIDA), kaya’t ang naturang tulong pinansyal ay malaking tulong upang masuportahan ang kanilang pangangailangang pang-edukasyon.
Sa mensahe ni Konsehal Maxiel Rodrigo A. Mortiz Jr., Tagapangulo ng Komite sa Edukasyon ng Sangguniang Bayan, kanyang binigyang-diin na ang programang ito ay simula pa lamang at patuloy pang palalawakin para sa kapakanan ng mga mag-aaral at guro sa bayan.
Samantala, hinikayat naman ni Haligi Punong Bayan Mannie A. America ang mga magulang na patuloy na magpunyagi sa pagtataguyod ng edukasyon ng kanilang mga anak. Tiniyak din niya na ang lokal na pamahalaan ay patuloy na maghahatid ng Lingap Agad, lalo na sa sektor ng edukasyon.
Patuloy na nananatiling pangunahing prayoridad ng ating Punong Bayan ang kapakanan at kinabukasan ng kabataang Infantahin, kaya’t walang humpay niyang isinusulong ang mga programang pang-edukasyon sa ating bayan.
Buong pusong paglingap para sa mas maliwanag na kinabukasan ng kabataan.
Ito na ang Responsableng Pamahalaan.
Infantahin, Kaya Natin!
