Courtesy call of Commission on Human RIghts - Center for Social justice and Humanization protection
Feb 11, 2026 04:00 PM 118
Opisyal na Pagbisita at Pakikipagpulong ng CSJHP sa Pamahalaang Bayan ng Infanta
Isinagawa ngayong araw ang isang courtesy meeting ng Commission on Human Rights – Center for Social Justice and Humanization Protection (CSJHP) sa Tanggapan ng Punong Bayan. Magalang na nakipagpulong ang kanilang delegasyon kay Vice Mayor Mannie A. America kasama ang ilang miyembro ng Sangguniang Bayan.
Layunin ng pagpupulong ang paghahanda para sa kauna-unahang Multistakeholder Meeting na lalahukan ng mga Indigenous Peoples leaders, mga kinatawan mula sa National Government Agencies, at mga Local Government Units (LGUs). Tatalakayin sa nasabing pagpupulong ang pagpapalakas ng koordinasyon at mas pinaigting na pagsusulong ng karapatang pantao at inklusibong pamamahala sa iba’t ibang sektor ng lipunan.
Dumalo sa courtesy meeting sina Atty. Reinna S. Bermudez, Chief ng CSJHP; Dominick E. Calamba, DMO IV; Jerome Christian A. Fajardo, TO III; at Maryanne A. Abog, TS III ng CSJHP.
Patuloy na ipinapakita ng Pamahalaang Bayan ng Infanta ang suporta nito sa mga programang nagtataguyod ng karapatang pantao, pagkilala at pagprotekta sa mga katutubo, at sama-samang pagkilos ng iba’t ibang sektor tungo sa isang makatao at inklusibong pamayanan.
Infantahin, Kaya Natin!
